व yanga

Sashwata
Satya

Ye meine Janm liya hai, ya hua hai jashn ka elan
Ye mere swagat ki hai taiyari, ya mila hai mujhe koi Vardan1

Ye Maa ka pyar hai, ya hua hai Upar- wala meharban
Ye Pita ka diya nam hai, ya hai meri alag pehchan2

Ye javani ne pankh pasare hai, ya dil ne bhari hai nayi udan
Ye josh-e-javani hai, ya hai kuch kar dikhane ka abhiman3

Ye karm ki shuru-aat hai, ya hai mere hunar ka parinam
Ye santushthi ka ahasas hai, ya hai karm-sadhna ka gyan4

Ye samay ki Mang hai, Ya hai Dil ki aawaz
Ye khushi muskurayi hai, ya mila hai mujhe naya Pyar5

Ye pyar ka ishara hai, ya Man hua hai mera baiman
Ye pita bane ki lalsa hai, ya mila hai mujhe samman6

Ye purani yado ka abhas hai, ya hai naye daur ki shuru-aat
Ye atma ki jalan hai, ya aayi hai meri kabiliyat mein darar7

Lagata hai Jindagi ek Pal mein simat aayi hai
Kal to awaz de rahi thi, aur aaj alvida kah rahi hai8

Hua hai mujhe aaj, jivan ke satya ka gyan
Ant to nishchit hai, kitni bhi koshish kar le Insan9

Ye Chita
pe leta hu mein , Ya leta hai mera nashwar shareer
Ye mere sharer ki rakh hogi, ya hogi mere charitr ki
tasveer 10

Ye jivan ka ant hai, ya hai moksh ki jwala
Ye shareer ki tapan hai, ya piya hai meine amrat ka pyala
11

Yahi aakhri dua hai meri, itni tu mujhe de de shakti
Isi janm mein mil jaye, mujhe is sarsthi se mukti12